Friday, 2024-03-29, 12:15 PM
Selamat Datang Guest | RSS

Tips dan Trik Komputer


Indahnya Berbagi ..:://idijangcik.do.am::..

Site menu
Sponsor Resmi

ShoutMix chat widget
Statistics

Total online: 1
Guests: 1
Users: 0
MySpace Hit Counters
Total Kunjungan
Login form

Main » 2010 » December » 19 » Cerite Besemah
6:55 PM
Cerite Besemah

PAK BELALANG

Dizaman dulu tersebutlah kisah pak belalang pacak bepangkat (benujum) tekujat nujum pak belalang. Anaknye bename belalang mangke die di pantau li jeme bedusun pak belalang, idup tige beranak beghumah ditepi dusun dilembak ghumah ade mandian bepancugh buluh.

Pade suatu pagi pak belalang nginak risau ugha due dan naghik sapi diintipe kisa dimandian nguk die mbajika sapi risau ugha due tu, sapitu di tamabangkanye di bawah batang ketapang diulu dusun. Belum lame pakbelalang balek keghumah jeme lah teghugh kelengitan sapi nengagh jeme ributu pak belalang nyubuk ndik bighai lah rami nian jeme ka beturut ncakaghi sapi, ditengah kerumunan jeme banyaktu nyelutuklah jeme tue katenye cukah kite mintak tulung kudai nga pak belalang mangke naiklah sughang jeme tue keghumah pak belalang mintak tulung pangkatkah sapi ghumah mamak senajap lengit sate sampai keghumah besuarelah die nga pak belalang base sapi mamak senajap lengit di malam. Timbale pak belalang : kudai aku ndak makan kudai aku lum tau bepangkat ame lum makan, palah kite makan gale kudai kate pak belalang, timbale jemetu makanlah kamu pak belalang.

Udem makan pak belalang tadi mulai ngambik pinggan perselin di isinye ayik kupi di limbange mangke ditumpahkanye ayek’e tinggalah ghedak kupi bekurai-kurai luluk tulisan, nah kite bace tulisan dipiring ini tuape baceananye mangke dibacenyelah li pak belalang tadi : nah ! sapitu di batak jeme kearah mateaghi mati daghat dusun di tambangkanye dibawah kayu besak diulu dusun, cukah karuhkalah li kamu! Sate dikaruh li jeme banyak ade nian sapi tadi ditambang dalam jumbun bawah kayu ketapang besak diulu dusun tadi terus diambik li jeme tuan sapi di batak kedusun, udetu jeme tuan sapi tadi ngaghi pak belalang nak nanyekah tuape piakunye tande terime kasih, timbale pak belalang piakunye ijeka li kamu telugh ayam kumbang sembilan niugh sijat beghas padi pulut secupak rukuk mbakunye pule. Payu ame mbak itu pak belalang! Sate diantatkanye piakunye tadi bemasaklah enduk belalang mbuat lemang belange sambil meghebus telugh udetu pak belalang lah ncuyum ngudut lah luk ndekut pipit saje.

Due tige bulan udem itu dating paroatin dusun itu ngatekah ghumah neralit dibebak jeme lengit gale isi ghumahe, nah pangkatka li kaba pak belalang ame dide dapat kaba kah dibunuh, nengagh kate proatin (kepale dusun) itu tekecacailah pak belalang tadi berasan die nga endung belalang nga anake belalang kite minggat malam kele, kate endung belalang kite bekias base kite ndak sangu bejalan kite mbuat serabi tuuh ijat ibat nasi besak-besak gulai setuntung buluh dabuk, tunggulah malam kele aku kah mbuat serabi dengah nutuklah ghebuk.

Tengah malam bemasaklah pak belalang mbuat serabi nanti enduk belalang masak’I nasi nga gulai. Pagak siang ngancap ayam bekukuk ngimbanglah risau ugha tujuh, kate risau ugha tujuhtu pala kite subuk pak belalang bepangkat, pacak nian die bepangkat sate di imbangkanye ghumah pak belalang, sate di intipe pak belalang pangke niapi serabi, sedue tige empat, lime, enam, tujuh nah cukup enduk belalang! Kate risau ugha tujuh tu : aiaiai! Keruan dienye ite ugha tujuh nie, nimbal enduk belalang lah lesai gale ? au kate pak belalang, tuape kuadun sijat kumasak’i, penengaghan risau tu riadun nga siajat keghumah sa’i kebetulan siajat nga riadun mpai tughun sandi ghumah sa’i, kate risau sekambangan tu nah nah nah! Nggelagau tini lah keruan pule linye kamu ugha due tadi keghumah sa’i udem lah lucut kite-kite sekambangan, udetu mantau nduk belalang pak belalang, lah ude ngibatkah nasi ? lah udem kate nduk belalang, kebetulan risautu ade nde bename mibat nga kenasi, kate risau sekambangantu udem lah lucut kite sekambangani kah makmane kite ? kate nde dituekah risau banyak tu, nengkalah aku ngadapi pak belalang ndak tuape kendak pak belalang naiklah die keghumah pak belalang, sambil nggugur duaghe bukak pak belalang! Nah gawat kate pak belalang ini berantakan, payu kite tarung kudai nyabung kundu risau malamni, sate dibukakanye dughe nah kamu! Kate pek belalang, bebisiklah risau tadi pak belalang tulung kudai kamini mintak nyawe nian kalini! Makmane kate pak belalang jangan benag ditunjuka kamini barang jemetu kah kami balika Cuma ajung li kaba jeme tuane ngambik’e dibawah tengkiang ghumah senuntar lum kami ape-apekah barngetu.

Timbale pak belalang tuape ame kamu lah ghaghini kah ku tulung kamu sekalini, tulung nian li kaba pak belalang rimbak ini mbunuh banyak ame luk ini ude kamu baliklah gale kate pak belalang pacaklah aku pagian pagi ngurusinye. Pagian benagh lah dating kepala dusun (paroatin) sate bekate!”makmane pak belalang tape beghetenye, tuape mendike riye laha udem kururuh dimalam semalam suntuk aku midarkanye banyak risau malingetu cumah risautu lah jauh barang-barang ghulihananyetu masih dibajikanye dibawah tengkiang di lembak dusun, kalu mbak itu tengkiang ghumah senuntar kate kepale dusun, ude aku kah ngajak jeme banyak ngaruhkanye. Sate dikaruh lah teberumbun nian di bawah tengkiang itu barang-barang ghulihan risau tadi laju dibatak kegumah kepale dusun nah neralip perikse barang-barang ini ade dide nde kelam, mangke ditiapinyelah barang-barang itu niatenye cukup nah neralip enjuk piaku nga pak belalang ghaghilah pak belalang! Dighaghinyelah pak belalang tuape piakunye tini pak belalang ? mudah kate pak belalang duit tujuh ringgit beghas tige cupak ayam kandun teluk sikuk niugh tige ijat nga rukuk mbakunye itulah!

Sate di antatkanye piaku tadi mangke gendang geuhlah nduk belalang bemasak makan besak kite siangni kate pak belalang.
Tesiarlah beghete pak belalang pacak bepangkatni ke telinge raje, mangke pade suatu tempo di istanah kelengitan barang-barang kerajaan, mangke dikighimlah due utusan raje ghaghi pak belalang.

Sate sampai keghumah pak belalang utusan ugha due tu nyampaika pesan raje katenye dalam istanah kelengitan barang-barang kerajaan, jadi raje mintak pek belalang mangkat kanye, pak belalang milu kami due mbak inilah payu kate pak belalang mangke bekiaslah pak belalang lalu berangkat sambil diliputi kecemasan yang sangat menyayat, sambil bejalan die beratap meratapi nasib die sekali ini sepanjang jalan die beratap : ui baban nasib dengan ndak tamat sekali pagi dengan bepisah nga jiwe didekah tunggal agi kamu pagi.

Kebetulan utusan raje ugha duetu sikuk bename badan sikuk bename jiwe, tekanjat besaklah die nengagh ratapan pak belalang tadi, katenye pak belalang! Lah kaba ketahui kami bedue ini maling barang-barang ghumah raje tulung nian pak belalang selamatkah kami ugha dueni, timbale pak belalang! Au! Lah keketahui base kamu ugha due ni malingi ghumah raje, anye kah kutulung kamu due tenanglah kamu due sampai keghumah raje kele dediamlah pacak aku kele.

Sampai keghumah raje die ngadap nyembah raje :
"harap diampun ambe dibawah duli tuanku ape perintah tuanku akan ambe junjung daulat tuanku dipersilahkan!” kate raje dalam istanah ini kelengitan barang-barang berege pangkatkah li kaba kalu dide dapat kaba kah dihukum pancung ! daulat tuanku kate pak belalang. Cumah aku ade permintaan nga raje, kalu permintaan ambe ini dipenuhu kah ku pangkatkah timbale raje tuape pintak pak belalang kah kukabulkah asak pangkatan pak belalang nyantuk nyampai ! daulat tuanku kate pak belalang, tadi sebelum ambe berangkat kesini lah udem ku nujumkah tuanku! Ternyate malingi raje ini adelah abdi dalam disini damenye sikuk badan sikuk agi jiwe, tekejutlah raje sambil beteriak pengawal tangkap badan dengan jiwe, lalu diadapkalah badan ngan jiwe tadi : nah kamu bedue kah dihukum pancung kate raje. Nimbal pak belalang harap diampun ambe tuanku tadi ambe ade permintaan sebagai sarat pangkatan jadi sebagai raje "janji nunggu kate betaruh” cukah aku ndak nengaghe tuape pintak bapang belalang ambe mohon kedue abdi ini jangan di hokum pancung huulah seringan-ringane, ku terime kate raje. Daulat tuanku terimeh kasih kate pak belalang. Badan, jiwe kate raje kamu due dihukum dengan dikurangi gaji kamu dan kamu due dialihke kepada mentri kehutanan di ghimbe kayu renasi pengawal! Antatka jeme due ni keutan kayu renasi serahkah mentri kehutanan, daulat tuanku kate pengawal. Lalu pak belalang bepamit nga raje kah balik tunggu kudai kate raje ade hadia nga kaba lalu raje mantau ulu balang nga prajurit, sate die ngadap hai ulu balang dan prajurit anata paka belalang ini keghumah ini hadiah kahndek pak belalang sepesalin pakaian nga beghai ngan duit empat puluh ringgit, diantatlah pak belalang tadi li kedue pegawai istanah tadi, sampai keghumah dide tekire-kire nduk belalang injik anjame nginak pak belalang mbatak alu-aluan isandi raje. Setaun udem iyu dating kabar base raje lautan ndak ngadeka adu kepintaran nga raje badah pak belalang atau lazim disebut raje ulu tulung, mangke diutuslah li raje utusan ugha due ghaghi pak belalang nyampaika beghete base raje pendence (raje lautan) kah ngajak raje ulu tulung betanding kepintaran. Ndengagh berete itu pak belalang bemalam-malam dek telap tiduk, ahirnye bulat kesimpulan die ngajak anak bininye minggat (melarikan diri) die mbuat rakit batang pisang kahndek die tige beranak laghi tengah malam berangkatlah die ngilighi ayek sampai keteluk libagh gheghadulah die disitu nunggu agi nyantak, tau-tau datanhg kapal raje pendence kah ke istanah raje ulu tulung nyeripitlah die berakit pekbelalang tekaitlah rakit pak belalang tadi kekapal raje pendence, sirite mudik agi beruluan sambil nyawenye sesekempus ketakutan tedengaghlah anak kapal itu ngedurak ngicik, tuape mudah benah raje ulu tulungni damenye raje ulu tulung kecik libekukupan, tuapeka kaditanyekani pertame kayuni kite ghendamkah tanyei mane ujunge mane pangkale ah mudah kate nde sughangtu nde teghendam ini nyelah pangkale nde ngerapungni ujunge, disimak’e li pak belalang, ude tu ngicik agi anak kapal tadi kite uculka anak itikni mangke kite tanyeka nde mane lanang nde mane betine, nimbal kancenye ah gampang nde bejalan ndulu lanag nde kedani betine, tuape raje ulu tulung kebile kah pacak mbidahkanye base raje ulu tulung buyan. Tuape kicikan jeme di dalam kapal itu dianingkanye gale li pak belalang. Ikat belike aghi lah siang jung lahdisambatka kepangkalan raje mangke tughunlah gale pengisi kapal tadi disambut li raje ngan petinggi istanah ditemapatkah dibalai rung nga raje ditempat di anjungan istanah. Pengawal cemas krene pak belalang belum tibe dan melapor (ngatur) nga raje nginaklah raje pak belalang dek tau ndaghat di pangkalan rakite tekait di kapal raje pendence penjuri, ulu balang ! mekik raje, sambut pak belalang dek tau naik di jemput lah die tige beranak dan didudukah di ruang sebaris nga pare pati nga temenggung dalam, sate lahsiap raje mbuke suare ”nah! Menda simah kite sampai kite mulai. Mangke dimulailah pertandingan memuning raje pendence, sahabatku yang mulie kite nereke kayu ini mane ujung mane pangkal kite ghendamkah! Kate raje ulu tulung, pak belalang mari kemari menghadap bite empunye diri,daulat tuanku kate pak belalang, cuka tereke kayu itu mane pangkale mane ujunge daulat tuanku! Nde teghendam itu pangkale nga nde gherapung ini ujunge.

Ais itu li raje pendence tadi di ajunge balibatur nga pindu kawan meluputka anak itik, nak temanku nde mane lanang nde mane betine anak itik ini ? tebak pak belalang ! daulat tuanku ! nde bejalan ndulu ini lanang nde bejalan kediane ini betine. Makamne kate raje ulu tulung wahai temanku! Kami ngakuk kalah kate raje pendence, laju dikukukah base kemenangan pertandingan ini dimenangkah li raje ulu tulung, bersorak gembiralah seluruh rakyat ulu tulung menyambut kemenangannya. Kate temenggung kerajaan lautan bebisik nga rajenye alangkah pintare pak belalang mate gawi raje ini, kite cakaghi jalane makmane mangke die tekupak, tibe-tibe mbibirlah belalang diadapan temenggung dicengkame di genggame, pantaue pak belalang sambil nyegak hai pak belalang tuapeku genggam ini ame dek tau kaba ku bunuh, kerene lepus ketakutan pak belalang tedi tepekiklah die mantau anak maksudnye nak belaghi "BELALANG” !!!! Nah! Ude pintar nian kaba kate temenggung raje pendence. Kate temenggung krajaan pertandingan ini lah selesai sape kalah mbayar taruh sape menang nerime pemenang, kate raje lautan terimelah ini emas sepeti nga pesake duhung kebuyutan nga sabuk keringsing dalam, pepati empat nga penpandin empa, mengke secare hormat diterimelah pemenang tadi li raje ulu tulung.

Sate raje pendence balek, di panggilah pak belalang li raje, nah! Pak belalang ndak mane kaba ape ndak tinggal disinilah ape ndak balek keghumah kaba, timbale pak belalang hapar diampun ambe kebawah duli tuanku, mane perintah tuanku akan ambe junjung, tapi ambe mintak tuanku membolehkan ambe balek kerumah ambe didusun timbale raje kalu itu permintaan pak belalang bite setujui, daulat tuanku timbale pak belalang. Mangke raje manggil mentri ngan ulu balang, temenggung kerte negare tangan dite mari-kemari menghadap bite empunye diri, timbale temenggung sambil berdatang sembah : harap diampun pati keawa duli tuanku mane perintah tuanku akan pati junjung! Tite raje : siapkan balebatur ngan pindu kawan anatarkan pak belalang tige beranak ini ketempat kediamananye dengan prahu linggepuri dan bawa ini hadiah untuk pak belalang tige beranak. Daulat tuanku mana perintah tuanku anak pati junjung, mangke dengan diantat li prajurit istanah pulanglah pak belalang dengan membawa hadih raje tige pesalin pakaian nde ringkih, seperti gangse barang-barang emas serete duit seratus ringgit. Hidup besemangailah pak belalang tige beranak didusun itu, ghumah kecik atap daun dinding gedik di genti nga ghumah gilapan atap genting dinding papan berende dinding gedah beruge bandung tambang wayang lah tebeli pule sawah empat puluh junjang siamang palak ayek pule. Itulah nasib pak belalang.
Selasih di pucuk tempat
Kandang selilit beliwe liwe
Ame kasih diwe melikat
Segale kendak nuju gale


ASAL WEEWE

Tersebutlah kisah atau legenda (andai andai) tentang hewan yang bernama wewe, tersohor dalam cerita rakyat di besemah wewe merentas gunung. Suara wewe ini karena merdunya sangat menyayat hati bagi yang mendengarnya sehingga suara wewe ini menjadi suara irama tembang yang disebut oleh masyarakat besemah "wewe merentas gunung”.

Lukini ceritenye :

Konon cerita tempo dulu hiduplah satu keluarga bertempat tinggal disebuah pondok pada sebidang kebun dikaki sebuah gunung dengan tiga orang anak kehidupannya sangat sederhana namun cukup besemangai sebidang kebun yang penuh dengan tanam-tanaman, buah-buahan dan sayur mayor dilembak dangau ade mandian bepancugh buluh bepauk kecik di lembak’e. tiap aghi anak’e tige berading itu beghusik di sekitar dangau kadang-kadang sampai ketepi ume nde kecik dibuatkanye pusikan li kakang’e sandungan endung bapange nyiangi kebun, tiap tahun kebune di tugali (beume daghat) kandek nutuk padi bapange mbuat kilangan (alat tumbuk tempo dulu) untuk keperluan dapur endunge pegi kepasar mbatak sayur sayuran untuk dijual dan membeli keperluan dapur, tiap udem ngetam endung bapange nanam sayur jagung dan ubi serunde pisang di tepi ume

Pada satu aghi endung bapang dak kecik tigetu pegi kalangan untuk menjual hasil kebune lame juge mangke balek krene kalangan itu jauh sandi kebune. Dak kecik tige beradingtu beghusik dikebun dan beghusiktu mangke adinge ndek kecik tadi nginak bambang (kupu-kupu) jarak kata alape mangke die nak mintak tangkapkah nga kakange ndek besak lalu di jagalelah bambang tadi li kakange anye dek dapat-dapat ditutule sampai jauh keutan adinge tadi milu nutul pule sambil naghik semban neneghesat kedalam utan igak beligak aghi malam, nagislah adinge tadi sambil naghik semban adinge ndek tengah tadi ngiringkah adding kecik tadi sampailah di bawah batang kayu besak adinge ndek kecik tadi naik batang kayu besaktu nak besimbun, kakange dek tau naik laju ngeruk tanah kandek bada besimbun, adinge tadi masih nangis saje dipucuk kayu sambil njinjat semban.

Nanti kakange ndek besak tadi balek kedangau ngaruhkah endung bapange lah balek ape belum, diintipe di serang dinding ade nian endung bapange tadi gelisah krene anak’e dek nginak’e balek kedangau di pantau’e bekeliling ume dide bedie, dami kakange tadi krene takut kenemarah li endung bapange ngulang belaghi keutan agi krene takutkah endung bapang tadi die ngeluagh malam laju njadi kekunang, adinge tadi ndek tengah krene dek tau naik besimbun dalam tanah laju njadi landak adinge ndek kecik tadi dek tau tughun dipucuk kayu masih nangis saje lame-lame jadi wewe anye die masih tulah nangis sampai makini, wewe itu pemuniannye persis muni dak kecik nangis sambil naghik semban isan di batang kayu kebatang kayu die bejalan sambil bemuni luk suaghe dake kecik nangis.

Itulah asal usul wewe menurut dongeng (legenda) rakyat besemah.

Peteananye :

- anak balita jangan di serahkan dengan anak dibawah umur untuk mengasuhnya

- anak yang belum sampai akal jangan dilepaskan diluar halaman dangau apalagi di hutan.

- Kalau bepergian akan menempuh jarak jauh, anak yang belum sampai akal jangan ditinggalkan.


Terime Kaseh

Category: Seputar Pagaralam | Views: 1653 | Added by: jangcik | Rating: 0.0/0
Total comments: 3
3 Clinkelisee  
0
Earn up to $3500/month just by taking simple surveys online!

I tried one of those online survey sites about 4 months ago that
say all you have to do is spend a couple of minutes filling out
some surveys and you will be making hundreds a day..... YEAH RIGHT, I didn't make anything.

I joined 7 of these stupid websites and I actually tried filling
out a couple of surveys on each site and they took forever then at
the end they wanted me to buy things or I couldn't complete the
survey.

These are complete scams so be aware!!! I couldn't believe they
were even allowed to sell such bogus products.

Then about 2 weeks ago I was watching the news and they had some
vice presidents and marketing managers of some major multi million
dollar companies talking about a site that they personally work
with to pay consumers for their opinion, A site that actually just
wants the "average Joe's" honest opinion on products and services
and is willing to pay big money to get them. for more information
clik here: http://get-money-for-taking-surveys.info

1 Andri andeska  
0
Ndok pak la lame nagh dide nganeng cerite ini,

oi ao pak aq andri andeska kelas 5c,
kebile kamu masukkah kisi2nye pak.


2 jangcik  
0
Tunggu Be... insya4JJI pas minggu tenang bapak Ad blog ini... sabar, orang sabar disayang pacar tongue

Name *:
Email *:
Code *:
Kolom Iklan



Hub : 0852-6846-2306
(Call/SMS)
CO.CC:Free Domain
Dapat Duit dari Facebook
Calendar
«  December 2010  »
SuMoTuWeThFrSa
   1234
567891011
12131415161718
19202122232425
262728293031
KumpulBlogger

bisnis paling gratis

Search

Copyright IdiJangCik © 2024